Donostiako pilota jaialdia, gaur, ETB1en eta eitb.eus-en

Udako pilota torneoen barruan, Donostiak hartuko du lekukoa gaur gauean, eta Euskal Telebista bertan izango da. K Pilota txakolinaren desafioa ekarriko digu lehenengo jaialdiak: Etxeberria-Peña II.a (lau t'erdian), Altuna III.a-Ezkurdia / Artola-Olaizola II.a (binaka) eta Elezkano II.a-Victor (buruz buru).

Donostiako Atano III.eko jaialdia zuzenean izango da ikusgai ETB1en eta eitb.eus-en, 22:15etik aurrera, Xabier Euzkitzeren, Joxean Tolosaren eta Elena Azpeitiaren kontakizunarekin.