telebista
Pilota
Donostia Hiriko lehen finalerdia, gaur gauean, zuzenean
EiTB
22:15etik aurrera izango dugu ikusgai Irribarria-Albisu eta Arteaga II.a-Rezusta bikoteen arteko partida ETB1en eta eitb.eus-en.
Gaur gauean, pilota izango dugu ETB1en eta eitb.eus-en, zuzenean, Atano III.etik.
Hasteko, Donostia Hiria Torneoko lehen finalerdia eskainiko dute, Irribarria-Albisu eta Arteaga II-Rezusta bikoteen artekoa. Partida nagusiaren aurretik, Retegi-Martija / Laso-Mariezkurrena neurketa jokatuko dute, eta, ondoren, Arretxe II.a-Galarza / Dario-Jaunarena.
Josetxo Lizartzak, Jokin Errastik eta Elena Azpeitiak egingo dute kontakizuna, 22:15ean hasita.
