Zornotzako Nazioarteko krosa eta Binakako Txapelketa, gaur

Gaur bertan hainbat kirol emanaldi izango dira ETBn eta eitb.eus-en ikusgai. Goizetik hasita, 12:25ean, Zornotzako Nazioarteko Krosa eskainiko da zuzenean ETB1en eta eitb.eus-en.

Arratsalde aldera, 16:00etan Urrezko Aizkolariak izango dira, binakako txapelketa batetik eta herriko emakumeen txapelketa bestetik. Hau ere, ETB1en eta eitb.eus-en izango da ikusgai.

17:00etan, 'ETB Kantxa'k Binakako Txapelketako bi neurketa eskainiko ditu. Lehenik, Dario-Ruiz eta Elordi-Etxebarria arituko dira promozio txapelketan; eta ondoren, lehen mailakoan, Olaizola II-Albisu eta Irribarria-Zabaleta. Hirugarren partida bat ere jokatuko da, Retegi Bi-Erostarbe / Jaka-Untoria. Pilota jaialdia zuzenean eskainiko da ETB1en eta eitb.eus-en.

18:00etan, eskubaloia eskainiko da zuzenean ETB4n eta eitb.eus-en, EHF kopa. Bertan arituko dira, besteak beste, HC Podravka Vegeta eta Super Amara Bera Bera taldeak lehian.