Lekeitioko Bandera eta pilota Donostiatik, gaur, zuzenean, EiTBn

Euskotren eta Eusko Label ligako jardunaldi berri bat eskainiko dute ETB1ek eta eitb.eus-ek gaur: Lekeitioko Bandera. Mikel Olazabalek gidatuko du emanaldia 11:30etik aurrera Ibon Gaztañazpirekin eta Sara Gandararekin batera.

15:30ean, Xabier Zaldua aizkolariak joan den hilaren 22an Azpeitian egindako proba izango dugu ikusgai. Katalaotza erronkan Arria II.aren marka haustea zuen helburu. Juanan Legorburuk egingo du kontakizuna Xabier Zaldua bera lagun duela.

Azkenik, 17:00etan, pilota izango dugu Donostiako Atano III.etik. Bi partida jokatuko dira: Retegi - Garmendia vs Egiguren - Erostarbe eta Ezkudia - Tolosa vs Altuna III - Bikuña. Xabier Euzkitze, Joxean Tolosa eta Elena Azpeitia izango dira esatariak.