telebista
Kirolak
Atletismoa, boxeoa, futbola eta pilota, asteburuan, EiTBn
EiTB
Ohiko pilota emankizunekin batera, Real Sociedad vs Bartzelona Superkopako finala eta Bilboko boxeo jaialdia izango ditugu ikusgai ETB1en eta eitb.eus-en.
-
Superkopako finala, zuzenean, EiTBn
Kirol eskaintza betea izango dugu asteburu honetan ETB1en eta eitb.eus-en.
Bi futbol emankizun eskainiko dira: larunbatean, 16:00etan, Leioa vs Real Sociedad B Bigarren B Mailako partida; igandean, 12:00etan, Superkopako finala, Real Sociedad vs Bartzelona.
Pilotari dagokionez, astebururo legez, bi hitzordu izango ditugu: larunbatean, 18:00etan, Iruñetik, Arteaga II-Urretabizkaia II vs Dario-Ruiz eta Irribarria-Rezusta vs Victor-Mariezkurrena II; igandean, 17:00etan, Tafallatik, Bakaikoa-Eskiroz vs Egiguren V-Erostarbe eta Ezkurdia-Martija vs Artola-Imaz. Guztiak Binakako Txapelketako partidak dira.
Azkenik, larunbatean, 22:50etik aurrera, zuzeneko boxeo emanaldia izango dugu Bilbotik. Hiru borroka izango dira ikusgai: Jon Jader vs Jorge Pinilla, Jon Fernández vs Aristides Perez eta Fran Mendoza vs Félix García.
ETB4n eta eitb.eus-en bi emanaldi izango ditugu: larunbatean, 21:00etan, erremonteko Masters Torneoko finala, Barrenetxea vs Urriza; igandean, 12:00etan, Donostiako Uliako Krosa.
