Mateo, Ireneren osaba, herrira dator, 'Operación Comète' telesailean

''Operación Comète'' telesailaren bi atal berri izango dira ikusgai asteazken honetan ETB-2n. Ireneren osaba, Mateo, herrira itzuliko da. Mateo errepublikar ezaguna zen eta alde egin zuen herritik gerra hasi zenean. Semea ez, ordea, eta gerran fusilatu zuten. Mateok bere semearen gorpuzkiak non dauden jakin nahi du, baina Irenek esango dio herrian inork ez dakiela (edo ez duela jakin nahi).

Manuel kezkaturik dago kartzelan dagoen errugabearekin eta nola edo hala konpondu nahi du. Juan bere semearen osasun egoerarengatik ere arduratuta dago. Hankako zauria gaiztotu da eta penizilina lortu ezean, hanka galdu dezake. Bestalde, Juanek Bernard inguruan dabilela jakingo du eta Beatriz emaztearekin duen harremana gaiztotuko du.

Sebastianen ordez Dedéek konfidantzazko gizon bat sartuko du Comette Sarean: Cronwell, britainiar ezkutuko agente bat. Hurrengo pasean ari dira. Ireneren etxera iristean jakingo dute herria poliziaz inguraturik dagoela eta ez dutela irteterik.

Prudenek eta Ezkilak Florentino zelatatzea erabakiko dute. Ireneren etxean dauden egun batean, Florentinoren arropa batzuk aurkituko dituzte. Beraz, etxe hura zaintzea erabakiko dute. Horretarako Pruden arroparen saskian ezkutatuko da. Angelak deskubrituko du eta zertan dabilen jakin nahiko du, baina Prudenek ez dio esango. Angela mutilekin haserretuko da eta mendekuz, Florentino euren bila dabilela asmatuko du. Mutilak, izuturik, etxetik kanpo joatea erabakiko dute bolada batez.

''Operación Comète'' telesailaren bi atal berri emango dira 22:00etatik aurrera ETB-2n.