telebista
22:30ean
Pali, Manu Maritxalar eta lehiakide baten abandonatzea, gaur, "El Conquis"en
EiTB
Patxi Alonsok aurkeztutako saioak aurrez ikusi ez ditugun irudiak eta datorren atalaren aurrerapena eskainiko ditu.
-
Pali, "El Conquistador" saioko azken kanporatua. Argazkia: EiTB
Nahiz eta talde berdeak immunitate jokoak galdu dituen, dueluetan indartsu agertu izan da, eta gaur egun kide gehien dituen taldea da. Nesken azken biktima talde gorriko Pali zarauztarra izan da. Gaur gauean, "El Conquis" saiora etorriko da gertatutakoa azaltzera.
Astero bezala, duelua amaitu ondorengo irudiak eskainiko dituzte, eta lehiakideetako batek abentura bertan behera uzteko asmo duela jakingo dugu. Horrez gainera, hurrengo atalaren aurrerapena ikusteko aukera izango da.
"El Conquistador" saioko kapitain mitiko bat izango dute gonbidatu platoan: Manu Maritxalar. Boxeolari ohiak aurrez aurre izango ditu bere aurkari historikoak: David Seco eta Juanito Oiarzabal.
Ainhoak, Txurruk eta Humbertok ere ez dute huts egingo gaurko hitzordu honetara, 22:30etik aurrera, ETB2n eta eitb.eus-en.
