telebista
Ostiralean
Bartzelona eta Portoren arteko partida zuzenean ETB-1 eta eitb.com-en
A.H.
EITB
Europako superkopa partida 20:45ean jokatuko da eta ondoren Bilboko pilota jaialdia eskainiko da ETB-1en.
Ostiral honetan, Bartzelona eta Porto taldeek Europako Superkopa partida jokatuko dute Monacon 20:45etik aurrera eta Euskal Telebistak zuzenean eskainiko du norgehiagoka ETB-1 eta eitb.com-en bidez. Denboraldiaren lehenengo titulu europarra izango da eta Xabier Anduezak, Xabier Azkargortak eta Naxari Altunak egingo dute partidaren gaineko kontakizuna.
Ondoren, 'ETB Kantxa' saioak Bilbon arratsaldean ospatuko den pilota jaialdia eskainiko du. Hasteko, Olaetxeak eta Aritz Lasak jokatutako lau t'erdiko partida eskainiko da eta ondoren, Olaizola II- Apraiz eta Bengoetxea VI- Zubieta bikoteen arteko norgehiagoka. Xabier Euzkitzek, Joxan Tolosak eta Koldo Aldurrek emango dute jaialdiaren berri ETB-1en.
