Asteasuko pilota jaialdia, gaur gauean, zuzenean, ETB1en eta eitb.eus-en

Gaur Txirrindularitza eta pilota izango dira ikusgai, zuzenean, ETB1en eta eitb.eus-en.

Eguna Italiako Giroarekin hasiko dugu. 14:00etatik aurrera, lasterketa ETB4n izango da ikusgai, eta, 15:00etatik aurrera, ETB1en jarraituko du, "Ez Da Giro" saioarekin. eitb.eus-en ere jarraipena egiteko aukera izango da lehen ordutik. 19. etapa eskainiko da: Morbegnon hasi eta, 251 km egin eta gero, Astira helduko dira txirrindulariak. Fermin Aramendi, Xabier Usabiaga, Alfonso Arroio eta Alessandro Ruta arituko dira solasean.

21:15ean pilotaren txanda izango da ETB Kantxa saioan. Lehendabizi, Zubizarreta III eta Larrazabal arituko dira buruz burukoan. Ondoren, binakako partida bat izango da ikusgai, Olaizola II - Elizegi vs Urrutikoetxea - Uriondo. Joseba Urkiola, Abel Barriola eta Ane Muruamendiarazek egingo dituzte esatari lanak.