Gorka Otxoa eta Sara Cozar, aste honetako 'Finlandia' saioan

Aste honetan, bi euskal aktore ezagun izango dira 'Finlandia' saioan, Gorka Otxoa eta Sara Cozar. Gonbidatuek Ainere Tolosa eta Aitziber Garmendiarekin mantenduko duten hitzorduan zehar, beren bizitza pertsonal zein profesionalaren inguruko galdera korapilotsuei erantzungo diete. Horrez gain, pistola batzuekin nola moldatzen diren erakutsi beharko dute, bola batzuen bidez latak botaz. Iraola tecnologies atalak ordea, XBOX 360 + txerri karreran jarriko ditu elkarren aurka jokoan bi gonbidatuak.

Horrez gain, saioak ikus-entzuleen barreak eragingo dituen hainbat atal izango ditu, horien artean Iñaki&Joxemari, astero Perurena eta Olasagastiren eguneroko egoera bat erakusten duen atala. Kasu honetan, parkimetroan dirua bota nahi ez izateagatik izango dute kalapita munizipalakin pertsonaiek.

Aire-Aire atalean berriz, gabon zaharreko programak gogoratuko dira eta Kermanek etikari buruzko klase partikularretara apuntatuko da Kerman Zerbitzari atalean.

De Leest taldeak bere aldetik, 'ahots hau dauket' abestia joko du Konjuntuba-n eta Eriz magoak beste truko majiko batekin txundituko ditu ikus-entzuleak.

Desapiyua-ri dagokionez, Olaberriako Cars zirkuituan burutuko da eta astero bezala, hainbat probari aurre egin beharko diete jokalariek. Karrean itzuli bat egin. Aletak jantzi, pneumatikoetatik ahal moduan pasa eta lagunari kaskoa eman. Lagunak mekanikoen patinetean etzanak karreraino joan beharko du eta beste itzuli bat eman. Gero paddockean, lokotx bilketa bailitzan, lurrean dauden gurpilak, piezak eta herraminta banan-bana pasa hirugarren lagunari. Honek erruedak lotuko dizkio karrari, kaskoa hartu eta azken bi itzuliak eman. Helmugara iristen den azken taldea izango da garaile.

'Finlandia' igande honetan emitituko da 21:30etik aurrera ETB-1en.