telebista
Eskaintza zabala
Xala eta Barriolaren arteko neurketa, igandean, zuzenean, ETB-1en
A.A.
EITB
Horrez gain, Cai Zaragoza-Lagun Aro GBC saskibaloi partida, Sporting eta Athleticen arteko laburpen zabala eta Otaegi eta Zalduaren arteko aizkora desafioa.
-
Pelota. Argazkia: EITB
Kirol eskaintza zabala prestatu du ETBk igande honetarako. Lehen hitzordua 12:00etan izango da ETB-1en, Endesa Ligako Cai Zaragoza-Lagun Aro GBC saskibaloi partidarekin.
14:00etan ETBK Sat-ek Sportingek eta Athleticek jokatutako neurketaren laburpen zabala eskainiko du, baita jokalari eta entrenatzaileen balorazioak ere.
15:55ean herri kirolen tartea zabalduko du ETB-1ek goizean Azpeitiko zezen plazan jokatutako aizkora desafioaren berri emateko: Otaegi eta Zaldua izango dira nor baino nor.
ETB-1en jarraituz, 17:00etan, pilotaren leihoa zabalduko dute. Eibarko Astelenan izango dira ETBko kamerak eta bi partida eskainiko dituzte, ohi denez: atarikoa, Julen Retegi-Pascual eta Aritz Lasa-Peñagarikano bikoteen artekoa, eta nagusia, Xala-Barriola.
Futbol jardunaldiaren errepasoarekin amaituko da kirol eskaintza: 19:30ean 'Gol Festa' (ETB-1) eta 22:30ean 'Tribuna Gol' (ETBK Sat).
