telebista
Hauteskunde eztabaida
Hiru alderdiren arteko hauteskunde eztabaida, asteazkenean, ETB-1en
A.H.
EITB
PSE-EE, EAJ eta PP alderdien arteko eztabaida gidatuko du Xabier Euzkitzek.
-
Xabier Euzkitze. Argazkia: EITB
Asteazken honetan hiru alderdiren arteko hauteskunde eztabaida eskainiko du ETB-1ek 22:50etik aurrera. Solasaldi mahaiaren inguruan PSE-EE, EAJ eta PP alderdietako ordezkari bana eseriko dira eta Xabier Euzkitzek gidatuta, gai politiko ezberdinak izango dituzte hizpide. Gonbidatuak Eneko Andueza, PSE-EEko Gipuzkoako hautagaia Kongresurako; Arantza Tapia, EAJ alderdiko Gipuzkoako hautagaia, eta Laura Garrido PPko Gipuzkoako hautagaia, izango dira.
Hauteskunde elkarrizketak
Horrez gain, Euskal Telebistak bere eguneroko hateskunde elkarrizketekin jarraituko du eta asteazken honetan Alderdi Popularreko bi ordezkarik hartuko dute hitza. ETB-2ko 'Egun On Euskadi' albistegian Alfonso Alonso Kongresurako Arabako hautagaiarekin mintzatuko da Aitzol Zubizarreta goizeko 09:30etik aurrera.
ETB-1eko 'Hauteskunde Elkarrizketak' saioan, berriz, Laura Garrido Gipuzkoako hautagaia izango du gonbidatu Ander Arzakek 19:35etik aurrera.
