telebista
ETBK Sat eta ETB-1en
Joe Frazierren omenezko 'Boxeo Izarrak' saio berezia, ostiralean
A.H.
EITB
Aliren aurka jokatutako hiru borrokaldiak eskainiko dira, baita Georges Foremanen aurka egindakoa ere.
-
Joe Smokin Frazier. Argazkia: EITB
Joe Frazier zenaren inguruko saio berezia eskainiko du ETBko 'Boxeo Izarrak' saioak ostiral honetan. Muhammad Aliren aurka egindako hiru borrokaldiak ikusi ahal izango dituzte boxeozaleek eta baita George Foremanen aurka egindakoa ere.
Saio honetan Jon Treku boxeolari ohia izango dute komentarista lanetan eta berarekin batera, Katxin Uriarte pilotari izandakoa, Ameriketan emandako urteetan boxeoa oso gertutik jarraitu zuen gizona.
'Boxeo Izarrak' ostiral honetan emitituko da 22:30etik aurrera ETBK Saten eta 00:20ean ETB-1en.
