telebista
Durangoko azoka
'Bost egunetan Azokan' saioa, larunbatean, ETB-1en
A.H.
EITB
Berta Lopez aurkezleak Durangoko Azokan bizi izan dituen bizipenak biltzen ditu saioak.
-
Durangoko Azoka. Argazkia: EITB
Larunbat honetan, ETB-1ek 'Bost egunetan Azoka'n saio berezia eskainiko du gaueko 21:30ean. Berta Lopez kazetariak aurkeztuko du saioa eta azokaren gaineko bere bizipen pertsonalean oinarrituko da. Kazetariak Durangon igaro ditu Azokak iraun dituen bost egunak. Eguneko zein gaueko giroan murgilduko da: hitzaldiak, kontzertuak, eta orokorrean Durangoko Azokan bizi daitekeen guztiaren lekuko izango da. 24 orduz ibiliko da Azokako giroan eta bertara hurbilduko den jendearekin nahastuko da. 'Bost egunetan Azokan' saioak, Bertak lehenengo pertsonan bizitako esperientzia horren berri emango du.
'Bost egunetan Azokan' larunbat honetan emitituko da 21:30etik aurrera ETB-1en.
