"El Conquis" bere ordu tartean nagusi, % 17,1eko audientzia-zatiarekin

Asteazkeneko "El Conquis" debateak bere ordu tartean lidergoa lortu zuen % 17,1eko audientzia-zatiarekin. Patxi Alonsok aurkeztutako saioak 173.000 ikus-entzuleko audientzia metatua izan zuen Euskadin eta eragin eremuan.

Saioak Paino izan zuen gonbidatu, abenturako azken kanporatua, eta berarekin, Karibean bizitakoak gogoratu eta talde urdinaren egoera aztertu zuten. Halaber, Los Haitisesera joango diren bi kapitain berrien izenak eman zituzten ezagutzera: Eneko eta David.

Saioan gertatutako guztia jarraitu zuten sare sozialetako erabiltzaileek, eta #elconquis10 traola joera izan zen Twitterren.