'Goenkale': Leoren kontrako beste salaketa bat!

Ernesto eta German Madariaga ontziolaz hitz egiteko geldituko dira. Bakoitzak bere argudioak azalduko ditu. Germanek ez dauka bere akzioak saltzeko inolako asmorik eta garbi adieraziko dio bere iritzia Ernestori.

Gurasoek etxea salgai jarri dutela jakingo du Joanak. Leok hornitzaile baten faktura jasoko du eta Aliziari lehenbailehen ordaintzeko eskatuko dio. Aliziak hainbat bitxi eta Kandidok oparitu zion eraztuna salduko ditu dirua lortzeko. Kandidok aitari dirua eskatuko dio eraztuna berreskuratzeko.

Ibik Leo zirikatu du eta ondorioz, kubatarra haserretu egingo da. Karlos Leoren erreakzioaren lekuko izango da eta bikoteak kontuak eskatuko dizkio jarrera horregatik. Ibi logelara joango da eta bere burua zaurituko du.

Kevinek ustekabeko atsegina izango du. Eider Arraldera joango da Gabon zahar agua berarekin igarotzeko.

Abelek Paularen sms bat jasoko du Arraldetik ihes egin duela esanez. Abelek liskarra izango du Ernestorekin. Paularen maitalearen gaineko egia badakiela aitortuko dio madariagatarrak enpresariari.

Ibonek badaki Aliziak iraganean zer egin zuen eta berak dakiena aitortuko dio emakumeari. Aliziak Gorrotxa hil zuela aitortuko du.