Lagun Aro eta Bartzelona Regal, igandean, zuzenean, ETB-1en

A.H.

EITB

Azken eguneratzea: 2012/01/13 17:43 (UTC+1)

Horrez gain, Logroñoko pilota jaialdia eta Sevillako nazioarteko Italica krosa eskainiko dira zuzenean.

Lagun Aro. Argazkia: EFE

Whatsapp
Whatsapp
telegram
twitt
Bidali
Esteka kopiatu

Igande honetako ETBren kirol eskaintza Endesa Ligako Lagun Aro eta Barcelona Regal taldeen arteko norgehiagokarekin hasiko da. ETB-1eko kamerek San Sebastián Arena pabiloiarekin bat egingo dute 12:15etik aurrera eta Xabier de la Fuente eta Josean Aldalurrek egingo dute partidaren gaineko kontakizuna.

Arratsaldean, Euskal Telebistak herri kirolari zuzendutako asteroko tartean, aizkolarien Eusko Label sariaren laugarren jardunaldiaren gaineko laburpena eskainiko da. Koldo Aldalur eta Jose Etxebestek emango dute goizean Almandotzen jokatutako probaren berri.

Ondoren 17:00etatik aurrera, Logroñoko pilota jaialdia eskainiko da. Hasteko, Julen Retegi-Pascual eta Ezkurdia-Merino I bikoteek jokatuko dute promozio partida eta jardunaldiko partida nagusian Xala-Laskurain eta Titin III-Merino II izango dira nor baino nor. Xabier Euzkitzek, Josean Tolosak eta Elena Azpeitiak egingo dute partiden gaineko kontakizuna ETB-1en.

ETBK Sat kateak, bere aldetik, Sevillan ospatuko den nazioarteko Italica krosarekin bat egingo du 13:30etik aurrera eta Juanan Legorburu eta Xabier Leibarrek egingo dute emanaldiaren gaineko kontakizuna.