Drogak izango dituzte aztergai osteguneko 'Haratago'n

Ostegunean, Hasier Etxeberriak aurkezten duen 'Haratago' dokumental saioak drogen munduan murgilduko da, oso errealitate krudel bat erakutsiz. Adituen eta nerabeen testigantzaz osatuta dago dokumentala, gazteak protagonistatzat hartuz, eta haien esperientzia pertsonaletan oinarrituz. Osteguneko atalean, alkohola, extasia, diseinuzko drogak, kannabisa, kokaina eta craka bezalako drogak, leunenetatik gogorrenetara aztertuko dira.

Dokumentalak gazte jendeari drogen informazioa ematea du helburu. Lagunek esandakoez haratago, benetako drogen munduaren irudia plasmatzeko. Izan ere, askok lagunek egiten dutena ondo dagoela pentsatzen dute eta imitatzen dituzte. Atal honetan ezetz esatearen garrantzia azpimarratzen da.

'Haratago' ostegun honetan emitituko da arratsaldeko 17:15etik aurrera ETB-1en.