telebista
Hasier Etxeberriak aurkeztuta
Diruaren munduaz, osteguneko 'Haratago'n
A.H.
EITB
Niall Ferguson irakaslea mundu osoan zabaldu den finantza krisiaren arrazoi eta ondorioez arituko da
-
'Haratago', Hasier Etxeberria. Argazkia: EITB
Ostegun honetako 'Haratago' saioak Amets zapuztuak izeneko dokumentala eskainiko du eta diruaren munduan murgilduko ditu ikus-entzuleak. Niall Ferguson irakaslearen eskutik sartuko da dokumentala mundu honetako ezaugarri nagusiak ezagutzera.
Azkenaldian munduko bankurik handienak erreka jo dute berriro zutik jarri nahian. Diru apur bat daukan herritarrak ez daki xuxen zer komeni den: etxebizitzatan inbertitu, bankuan gorde, dena gastatu ala koltxoi azpian sartu behar ote den. Ez da erraza asmatzen.
2007ko finantza krisiak izua zabaldu zuen mundu osoan. Nola liteke Estatu Batuek hipoteka mailegu txikiekin izandako arazoa mundu guztira zabaldu izana? Ondorio latz horiez eta gehiagoz ariko da osteguneko 'Haratago' saioan Ferguson ekonomilaria.
'Haratago' ostegun honetan emitituko da arratsaldeko 17:15ean ETB-1en.
