telebista
22:30ean
Nafarroako Pirinioetako zaporea, gaur gauean, "Juego de Cartas" saioan
EITB Media
Javi Sierra sukaldariak Euskal Herriko paraje ederrenetako batean kokatutako lau jatetxe bisitatuko ditu.
-
Javi Sierra Nafarroako Pirinioetan. EITB Mediaren bideo batetik ateratako irudia
Nafarroako Pirinioak bisitatuko ditu Javi Sierra sukaldariak gaur gauean, eta bertako lau jatetxek parte hartuko dute "Juego de Cartas" lehiaketa gastronomikoan.
Frantziako mugan dago Luzaideko Arandegia Benta eta bertako jabea, Fernando Aldabe, ezagutuko dute lehendabizi.
Bigarren geldialdia Aurizberriko Urrobi kanpinean dagoen Baratze jatetxean egingo dute. Joseba Martinez bertako sukaldariak parte hartuko du saioan.
Auritzeko Txiki Polit jatetxea Moisés Eseberrik defendatuko du. Haren familiak XIX. mendean sortutako negozioa da eta historia handia dauka.
Eukene Moso Jarrietako Casa Sarioko sukaldaria da. Eukene eta bere ahizpak jatetxean diharduen familiako bosgarren belaunaldiko kideak dira.
"Juego de Cartas" ostegunetan izaten da ikusgai, 22:30ean, ETB2n eta eitb.eus-en.
