albistea
22:20etan hasita
Xabier Euzkitze Amaia Zubiriarekin, ostegun honetan 'Bisitaria'n
A.E.
EITB
Bi egun pasako ditu kantariarekin, tartean Berako inauterietan ere izango dira.
-
Amaia Zubiria. Argazkia: EITB
Ostegun honetan, ETB-1eko 'Bisitaria' saioan, 22:00etan, Xabier Euzkitze Amaia Zubiriarengana joango da. Amaia Zubiriaren ahotsa aski ezaguna da, artista bikaina, baina 'Bisitaria'n harago doaz eta Berako inauterietan berarekin batera murgildu da Xabier Euzkitze, Amaia artista eta emakume bezala hurbilagotik ezagutzeko. Sorpresak ere badaude, Txomin Artolak eurekin bat egin duelako kitarra eta guzti.
Elkarrekin bi egunez egongo direnez, abesten ikusiko ditugu eta familiarekin etxean meriendatzen ere bai, Amaiak seme-alaba eta biloben bisita izango baitu.
'Bisitaria'n Amaiak bere etxeko eta batez ere bere bihotzeko ateak zabaldu ditu, bizipen barregarriak eta baita mingarriak ere konpartituko dituelako Euzkitzerekin.
