albistea
Bertsolaritza
Uxue Alberdi gonbidatua, 'Hitzetik Hortzera'n
A.E.
EITB
Usurbil eta Mallabiko bertso afariei tartea eskainiko diete.
-
Uxue Alberdi bertsolaria 'Hitzetik hortzera' saioan. Argazkia: EITB
Usurbilgo Artzabal jatetxe ireki berrian primerako bertso afaria egin dute martxoaren 8koa ospatzeko. Onintza Enbeitak, Ainhoa Agirreazaldegik eta Uxue Alberdik jarri zuten han festarako eta gogoetarako gaia. Uxue Alberdi bera izango da 'Hitzetik Hortzera'ko platoan Jon Artanorekin Usurbilen kantatutakoez eta beste kontu batzuei buruz hitz egiteko.
Programako beste ardatza Mallabiko Izar Gorri elkartean, Beñat Ugartetxea gai-emaile zutela, Iban Urdangarin eta Iker Zubeldia goierritarrek egindako saioa izango da. Zuri-beltzekoan Lazkao Txiki eta Zappingean Zeberio anaiak Ataunen 2002an; Nikolas puntu jartzen eta Xabier erantzuten. Gainera, Arabako Koadrila arteko txapelketako finalerdien laburpena ere emango dute.
'Hitzetik Hortzera', larunbat bazkalostean, 'Gaur Egun'en ondoren, ETB-1en, eta aurretik ikusgai eitb.com/nahieran-en.
