'Igandeetan zabalik?' erreportajea, 'Harian'

Igande eta jaiegunetan zabaldu ala ez? Bilboko Udalak eta dendari elkarteek hilabeteak daramatzate gaia eztabaidatzen. Horixe izango da 'Harian' saioko erreportajearen ardatza aste honetan.

Eusko Jaurlaritzak araudi argia du honetaz eta Donostian, esaterako, inoiz ez dute arazorik izan denden egutegiekin. Orduan, zer dela eta hainbeste polemika Bilbon?

Iban Bengoetxeak alde guztiekin hitz egin du, euren ahotik batzuen eta besteen arrazoiak jakiteko. Kaleko jendeari ere galdetu dio, eta gehienek erantzun diote jaiegunetan dendek itxita egon behar dutela. Orduan, zergatik joaten dira bizkaitar eta gipuzkoar asko Iparraldera hemen dena itxita dagoenean?

'Harian', igande gauetan, ETB-1en, 21:00etan.