albistea
23:10ean
'Zerutik sua dator. Gernika-Bizkaia Sutan', larunbatean, ETB-1en
A.A.
EITB
Apirilaren 20an Gernikan grabatutako ikuskizuna da. Bertan, Oreka TX eta Kukai taldeek hartzen dute parte.
-
'Zerutik sua dator' dokumentala. EITB
Larunbat honetan, 23:10etik aurrera, Zerutik sua dator. Gernika-Bizkaia Sutan ikuskizuna eskainiko du ETB-1ek. Duela 75 urteko bonbardaketa gogora ekartzeko ekitaldia Gernikako Merkatu plazan egin zen joan den apirilaren 20ean, Oreka TX musika taldearen eta Kukai dantza konpainiaren parte hartzearekin.
Ekitaldi parte-hartzailea da, kolektiboa eta soziala da. Musika eta dantzaz gain, artxibo irudiak eta litografiak biltzen ditu, baita Zerutik sua dator dokumentaleko zati batzuk ere, gertaera hura bizi izan zutenen testigantzekin. Gernikako eta Bizkaiko beste herri askotako bonbardaketek eragindako tragedia erakustea du helburu egitasmoak.
