telebista
Kirolak
Bilboko Aste Nagusiko pala torneoaren finala eta Elgoibarko pilota jaialdia, gaur EITBn
EITB Media
17:30etik aurrera, zuzenean eskainiko dira Martin-Etxaniz vs Irazustabarrena-Erasun emakumezkoen pala finala eta Gaubeka-Ibai Perez vs Necol-Urrutia gizonezkoena. Gauean, Elgoibarren izango da hitzordua, Laso - Aranguren vs Jaka – Albisu norgehiagokarekin.
-
Pelota, desde Elgoibar, este viernes
Ostiral honetan, abuztuak 26, pilota izango dugu protagonista EITBko kirol eskaintzan.
Alde batetik, 17:30etik aurrera, zuzenean eskainiko da Bilbotik Aste Nagusiko pala torneoaren finala. Zehazki, Martin-Etxaniz / Irazustabarrena-Erasun emakumezkoen finala eta Gaubeka-Ibai Perez / Necol-Urrutia gizonezkoena jarraitzeko aukera egongo da. Iñigo Aiestaranek eta Mikel Aierbek egingo dute kontakizuna, ETB1en eta eitb.eus-en.
Bestalde, gauean, Elgoibarrera joko dute EITBko kamerek eta, 23:00etatik aurrera, zuzenean eskainiko dute Laso - Aranguren vs Jaka - Albisu binakako partida. Aurretiko Bakaikoa - Morgaetxebarria vs Zubizarreta III – Eskiroz lehia ikusteko aukera ere egongo da ostiral gauean, biak ala biak ETB1en eta eitb.eus-en, "ETB Kantxa" programaren baitan. Xabier Euzkitze eta Mikel Idoate arituko dira kontakizunean.
