telebista
Eduki nabarmenak
Larunbateko eduki nabarmenak
EITB Media
John Andueza idazle, errealizadore eta gidoilari arrasatearra "Arte[faktua]" saioan, "Hitzetik Hortzera" eta "Oholtzan", larunbatean ETB1en eta eitb.eus-en.
-
![John Andueza "Arte[faktua]" saioan.](//media.eitb.eus/multimedia/images/2023/01/12/3035747/20230112102021_john-anduezajpg_foto610x342.jpg "John Andueza \"Arte[faktua]\" saioan.")
John Andueza "Arte[faktua]" saioan.
![John Andueza "Arte[faktua]" saioan.](http://media.eitb.eus/multimedia/images/2023/01/12/3035747/20230112102021_john-anduezajpg_foto610x342.jpg "John Andueza \"Arte[faktua]\" saioan.")
Arte [faktua] – 12:50ean ETB1en eta eitb.eus-en
John Andueza idazle, errealizadore eta gidoilari arrasatearra izango da aste honetako gonbidatu nagusia. Anduezak gazteei zuzendutako Luaren itzala (Elkar) nobela argitaratu berri du. Honetaz guztiaz mintzatzeko, Arrasateko Kulturolara gerturatuko da Ilaski Serrano idazlearekin.
Hitzetik Hortzera – 21:00etan ETB1en eta eitb.eus-en
Ordutegi berriarekin bueltan, Orioko festetako bertso saioa eta Amurrion urtero egiten den finalisten jaialdiko bertsoaldiak eskainiko ditu "Hitzetik Hortzera" saioak. Horrez gain, Aiaraldeko Ekintzen Faktoria ezagutuko dute.
Oholtzan – 22:00etan ETB1en eta eitb.eus-en us
Lehenik eta behin, "Ur tanta" ekimenaren lehen kontzertua emitituko da. Mendia eta musika uztartuz, natura eta gizakia musikaren bidez elkar batzea helburu duen egitasmoa euskal kostaldera iritsi da aurten. Lehen atal honetan, Pasai Donibane eta Hondarribiko Biosnar lurmuturraren arteko ibilbidea osatuko dute. Leire Letu eta Kristina Aranzabe abeslariek eta Xabier Berasaluze Leturiak hartuko dute parte, besteak beste. Ondoren Durangoko txistu kontzertua izango da ikusgai.
