albistea
Audientzia oharra
Umeek ETB-3 dute gogokoen
A.H.
EITB
ETBko hirugarren kateak bere historiako audientzia zatirik altuena lortu zuen asteartean.
-
Doraemon. Argazkia: EITB.
Asteartean, telebista katerik ikusiena izan zen ETB-3 Euskadiko umeen artean. Haurren %20ak jarraitu zuen marrazki bizidunen eskaintza zabala eta arrakasta berezia izan zuten arratsaldeko 'George Oihanekoa', 'Doraemon' eta 'Megaman' saioek. Honenbestez, ETB-3k bere audientzia errekorra gainditu zuen asteartean; %1,7ko audientzia zatia lortu zuen populazio osoaren artean, inoiz lortutako kuotarik altuena.
Haurren artean erreferentzia argia izanik, bere posizioa bermatzen jarraitu du ETB-3k Euskadin. Egun osoan zehar umeei zuzendutako euskarazko programazioa eskaintzen duen kate bakarra da, eta txikienen arreta piztea lortu du eskolako oporren hasieran.
