Real eta Olympique Lyon taldeen artekoa, ETB-1en eta eitb.com-en

Realak Olympique Lyon talde frantziarraren aurka jokatuko duen denboraldiaurreko partida eskainiko du ETB-1ek  eta eitb.com-ek 21:00etatik aurrera. Norgehiagoka Donibane Lohizunen jokatuko da, Seaskaren alde, eta Juanan Legorburuk eta Juanan Larrañagak egingo dute emanaldiaren gaineko kontakizuna.

Ondoren, Gasteizko Ogeta pilotalekuan jokatuko den jaialdia izango da ikusgai. Jardunaldiko partida nagusia, Xala-Barriola eta Gonzalez-Zubieta bikoteek jokatuko dute. Ondoren, Apezetxea-Larrinaga eta Olazabal-Peñagarikano izango dira nor baino nor gehiago. Xabier Euzkitzek, Joxan Tolosak eta Koldo Aldalurrek egingo dute kontakizuna 22:35an hasiko den 'ETB Kantxa' saioan.

Frantziako Tourraren 18. etapa

Horrez gain, Frantziako Tourraren 18. etapa eskainiko du ETB-1ek zuzenean 14:15etik aurrera. Blagnac eta Brive la Gaillarderen arteko 222,5 kilometroko ibilbidean gertatzen denaren berri emango dute Xabier Usabiagak eta Pedro Mari Goikoetxeak