albistea
Kirol emanaldiak
Reala eta Girondins taldeen arteko norgehiagoka, gaur gauean, ETB-1en
A.H.
EITB
Horrez gain, Iberdrola Bandera eskainiko da Pasaia Donibanetik zuzenean.
Gaur gauean, Euskal Telebistak Realak Girondins talde frantziarraren kontra jokatuko duen denboraldiaurreko partida eskainiko du, 21:00etik aurrera. Xabier Anduezak eta Juanan Larrañagak egingo dute Iruneko Gal estadioan jokatuko den norgehiagokaren gaineko kontakizuna.
Bestalde, Pasaia Donibanetik zuzenean eskainiko da Iberdrola Banderaren norgehiagoka. San Miguel Ligako bederatzigarren jardunaldiko estropadak arratsaldeko 18:00etatik aurrera izango dira ETB-1en ikusgai. Mikel Olazabal, Ibon Gaztañazpi eta Sara Gandara izango dira zuzeneko emanaldiaren arduradunak.
Erremontea ETBK Sat-en
ETBK Sat kateak bestalde, Juaristi eta Aizpurua II erremontarien arteko partida eskainiko du 22:30etik aurrera. Hernanin jokatutako banakako erremonte norgehiagokaren gaineko kontakizuna, Iñigo Aiestaranek eta Matxinek egingo dute.
Horrez gain, Galarleizeko mendi maratoiaren gaineko laburpena eskainiko da arratsaldeko 17:00etan ETBK Sat-en. Ondoren, arratsaldeko 17:30ean, Sanabriako Nazioarteko piraguismo sariaren laburpena eskainiko da.
