albistea
Kirol emanaldiak
Zarauzko ikurriña zuzenean ETB-1en
A.H.
EITB
Horrez gain, Zarauzko pilota txapelketa eskainiko da 17:00etatik aurrera zuzenean.
Asteazkenean, Euskal Telebistako kamerak Zaurautzera hurbilduko dira goizeko 12:00etatik aurrera Zarauzko Ikurriñaren emanaldia eskaintzeko asmoarekin. Hasteko, Gipuzkoako emakumeen Ligako estropadak eskainiko dira eta ondoren, ARC-KAE ligako gizonezkoen txanda izango da. Mikel Olazabal, Ibon Gaztañazpi eta Sara Gandara komentaristek egingo dute emanaldiaren gaineko kontakizuna.
Arratsaldeko 17:00etatik aurrea, ordea, Zarauzko pilotalekuarekin bat egingo du ETB-1ek eta bertan jokatuko den pilota jaialdia eskainiko du osotasunean. Hasteko, Arretxe- Otxandorena eta Idoate- Merino I bikoteek jokatuko dute jardunaldiko lehenengo partida eta ondoren, txapelketako partidak Olaizola II-Albisu eta Irujo-Zubieta jarriko ditu aurrez aurre. Amaitzeko, Ongay- Ladis Galarza eta Tainta- Aretxabaleta bikoteen arteko norgehiagoka izango da ikusgai, Xabier Euzkitze, Josean Tolosa eta Elena Azpeitiaren komentarioekin.
Zaldi Lasterketa eta Herri Kirolak ETBK Sat-en
ETBK Sat bere aldetik, Donostiako hipodromoarekin bat egingo du zuzenean , eta arratsaldeko 18:00etatik aurrera jokatuko diren Donostiako urrezko Kopako zaldi lasterketak eskainiko ditu. Donostiatik urrundu gabe, hiriburuan ospatutako Aizkolarien Donostiako Urrezko kopa ere eskainiko du ETBK Sat-ek, gaueko 22:30etik aurrera.
