albistea
Kirol emanaldiak
HJK Helsinki-Athletic partida, zuzenean ETB-1en eta eitb.com-en
A.H.
EITB
Euskal Telebistako kamerek 19:00etatik aurrera bat egingo dute kirol emanaldiarekin.
Athelticek Finlandian jokatuko du HJK Helsinki taldearen kontrako itzuliko partida eta Euskal Telebistak zuzenean eskainiko du norgehiagoka 19:00etatik aurrera. Pasa den asteko joaneko partida San Mamesen 6-0 irabazi ondoren, Athletic taldea lasai doa Helsinkira, eta hainbat jokalari titular Bilbon utzi ditu, horien artean, Iraizoz, Iraola, Ander Herrera, Gurpegi eta Aduriz. Norgehiagokaren gaineko kontakizunaren arduradunak Txemi Galarraga eta Angel Garitano izango dira, eta partida ikusgai izango da ETB-1en eta eitb.com-en.
Donostiako Banderaren sailkapen probak
Bestalde, aurtengo Donostiako Banderarako sailkapen probak ere eskainiko dira zuzenean, ETB-1en eta ETBK Sat-en, 17:00etatik aurrera. Sailkatze saio honen berri Mikel Olazabal, Ibon Gaztañazpi eta Sara Gandarak emango dute.
