albistea
18 urteak ospatzeko
'Goenkale', antzerki bihurtuta
'Goenkale, Kondesaren erretratua' antzezlana antzokiz antzoki dabil telesail ezagunaren 18. urtea ospatzeko.
-
Argazkia: Pausoka
'Goenkale' telesailak 18. urtea bete du emisioan. Heldutasunera iritsi dela esan genezake, urteei erreparatzen badiegu. Marka bikaina da, eta ikus-entzuleei urte hauetan guztietan emandako babesa eskertzeko, 'Goenkale' zuzenean ikusteko aukera emango diete Pausoka eta Glu Glu ekoiztetxeek, antzezlan baten bidez: Goenkale, Kondesaren erretratua. 2013ko uztailera bitartean izango da ikusgai Euskal Herriko hainbat antzokitan.
Goenkale, Kondesaren erretratua antzezlanean telesailari arrakasta eman dioten elementuei (intriga, maitasun istorioak), barrea eragingo duen komedia gaineratu diete. Ikusleen gozamenerako atondutako egitasmoa da, eta sorpresa bat edo beste ere egongo da; esaterako, 'Goenkale'ren hastapenetako pertsonaien gainean orain arte ezkutuan izan den daturen bat ezagutzeko aukera izango da.
Ondorengoak dira, Jokin Oregiren zuzendaritzapean, antzezlaneko aktoreak: Xabier Perurena (Ibon), Ylenia Baglietto (Eider), Felix Arkarazo (Andoni), Maria Cruickshank (Itxaso), Yannick Vergara (Rakel) eta Carlos Nguema (Nelson).
Hauxe izango da Goenkale, Kondesaren erretratua antzezlanaren egutegia:
Urriaren 19a: Elgoibar, Herriko antzokia, 20:30ean.
Azaroaren 3a: Azpeitia, Soreasu antzokia
Azaroaren 5a: Bilbo, Arriaga antzokia, 20:00etan.
Azaroaren 6a: Bilbo, Arriaga antzokia, 11:00etan.
Azaroaren 6a: Bilbo, Arriaga antzokia, 20:00etan.
Azaroaren 7a: Bilbo, Arriaga antzokia, 11:00etan.
Azaroaren 9a: Gernika, Lizeo antzokia.
Azaroaren 16a: Ermua, Cinema Ermua.
Azaroaren 23a: Beasain, Usurbe antzokia.
Azaroaren 24a: Zalla, Zalla antzokia.
Azaroaren 30a: Basauri, Social antzokia. Goizez.
Azaroaren 30a: Basauri, Social antzokia. Arratsaldez.
Abenduaren 2a: Durango, San Agustin antzokia.
Abenduaren 14a, Zumaia, Aita Mari antzokia.
Urtarrilaren 11: Amorebieta-Etxano, Zornotza aretoa.
Urtarrilaren 18a: Eibar. Coliseo antzokia.
Uztailaren 11: Donostia, Antzoki Zaharra.
Uztailaren 12a: Donostia, Antzoki Zaharra.
Uztailaren 13a: Donostia, Antzoki Zaharra.
Uztailaren 14a: Donostia, Antzoki Zaharra.
