albistea
22:15ean
Oihana Kortazar mendi lasterkariarekin, 'Bisitaria'n
A.E.
EITB
Xabier Euzkitzek Munduko mendi lasterketari onenetarikoa den elgetarra bisitatu du.
Bideoak (1)
Informazio gehiago (1)
Mendira joko du asteazken honetan 'Bisitaria'k, munduko mendi lasterkari onenetarikoa den Oihana Kortazarrekin egon baita Xabier Euzkitze. Elgetarra kostaldean, Mutrikun, bizi da orain senarra eta semearekin. Euren egunerokotasuna entrenamendu eta lasterketekin uztartzeko ahalegin berezia egiten dute, familia guztia moldatzen baita horretara. Eta oraingoan 'Bisitaria' ere euren bizimodura egokitu beharko da.
Zeanuriko Gorbeia Suzien lasterketako parte hartzaileen artean ezin da falta Oihana Kortazar, pozik aitaren herrian lehen aldiz honelako mendi lasterketa bat antolatzen dutelako. Gorbeia beste ikuspuntu batetik ikusteko aukera ere izango dugu, paraxutean salto eginda, Alex Txikon eta Xabier Euzkitze tartean dabiltzalarik. 'Bisitaria' Oihana hurbiletik jarraitzen saiatuko da, baina mendian ez da erraza izango...
'Bisitaria' 22:15ean izango da ikusgai ETB-1en.
