albistea
Ostegun honetan
Koparen 'Harian', Eibar-Athletic
A.A.
EITB
Oihane Mateosek gidatutako saioa 19:30ean izango da ikusgai ETB-1en.
-
Koparen 'Harian', Eibar-Athletic. Argazkia: EITB
'Harian' saio berezia izango da ikusgai ostegun honetan, 19:30ean, ETB-1en, Eibar eta Athletic taldeek jokatuko duten Errege Kopako partidaren karietara.
Ostegunean, Eibarrek poz-pozik hartuko du etxean, Ipuruan, Athletic. Zelaia beteta egotea espero da. Zozketak aurrez aurre jarri ditu bi taldeak. Armaginek Bielsaren taldearen kontra jokatuko dute Kopako lehiaketan.
Eibarrek beste bitan jokatu du Atleticen kontra, eta bietan galdu izan du. Aurtengoan irabaztea espero dute, Athletic ez baitabil oso ondo.
'Harian' saioko lagunak, Oihane Mateos buru dela, partidara joango dira eta han gertatzen den guztia azalduko digute. Baina, norgehiagoka baino lehen ere, protagonista guztiekin hitz egin dute.
Koparen Harian, Eibar-Athletic saio berezia, ostegunean, 19:30ean.
