albistea
ETB-1en
Aizpea Goenaga aktore eta idazlea, asteazkenean, 'Bisitaria'n
A.A.
EITB
Bere eguneroko bizitza, etxean zein lanean, nolakoa den erakutsiko dio Xabier Euzkitzeri.
Aizpea Goenagak bere indar eta irribarre etengabearekin hartuko du 'Bisitaria' aste honetan. Aktorea, zuzendaria, idazlea, Etxepare institutuaren zuzendaria… Emakume zinez langilea. Oraingoan, ordea, tarte txiki bat egin dio Xabier Euzkitzeri bere agendan elkarrekin bi egun igarotzeko.
Soinujolearen semea antzezlana ikustera eramango du 'Bisitaria', baina lehenago aktoreekin eta Bernardo Atxaga berarekin egoteko aukera paregabea eskainiko digu Aizpeak.
Aia Kruse alabak bere pausuak jarraitu nahi ditu aktore lanetan, eta eredu ezin hobea du, energia handiko emakumea eta konplizitate handiko ama baita Aizpea Goenaga.
22:15ean izango da ikusgai 'Bisitaria' ETB-1en.
