albistea
EITBko kultur leihoa
Gose taldea 'EITB Kultura'n, aste honetan
A.E.
EITB
Ressistens taldearen muntaia berriaz eta Joserra Senperenaren disko berriaz ere arituko dira.
-
Gose. Argazkia: EITB
Aste honetan, 'EITB Kultura'k Goseren bosgarren diskoari leihoa zabalduko dio. Arrasateko hirukoak beste urrats bat eman du disko berria argitaratuz. Techno musika nagusi da lan honetan. Mikel Clementek zuzendutako bideokliparen aurrapena ere ikusgai izango da. Datorren astean aurkeztuko dute ofizialki bideoklipa Durangoko Disko eta Liburu Azokan.
La Ressistens taldeak, berriz, Fa en cuarta muntaiaren nondik norakoak kontatuko dituzte. Emakume arima duen biolontxeoari buruzkoa da antzezlana. Halaber, 10 trio piano, biolin eta akordeoirako Joserra Senperenaren disko berriaz ere arituko dira.
Nagore Igarzak bere argazki unibertsoa aurkeztuko du. Atmosfera eta emozioak erretratatzen ditu argazkilariak.
'EITB Kultura' astelehenean ETB-1en 00:00etan dago ikusgai, astearte gauean ETB-2n eta ostiral gauean ETB-3n.
