albistea
Umorea
'Vaya Semanita' berezia, gaur gauean ETB-2n eta eitb.com-en
Andoni Agirregomezkortaren gidaritzapean, 'Vaya Semanita' saio bereziak gobernu aldaketari eta egitura politikoari buruzko satira egingo du, eta Francoren berpizkundearen lekuko ere izango da.
Informazio gehiago (1)
Iritsi da eguna. Gaur gauean, 22:00etan ‘Vaya Semanita’ saioko komiko-taldea ETB-2ra itzuliko da Andoni Agirregomezkortaren gidaritzapean, barreak eta aktualitatea saio berezi batean uztartzeko. Eitb.com-en ere izango dugu ikusgai saio osoa, streaming bidez, zuzen-zuzenean.
‘VS' Saioko lantaldeak gobernu-aldaketari eta lan eta ekonomia arloko euskal egiturari buruzko satira egingo du. Gainera, ezkontza batean ere izango dira, eta, eztabaida politiko baten ondorioz, gudu-zelai bihurtuko dela ikusiko dugu.
Francoren berpizkundearen lekuko ere izango da komiko-taldea. Euskadiko eta Kataluniako egungo egoeraren eraginez, hilobitik irtetea erabakiko baitu. Diktadoreak eta zombi faxistez osatutako gudarosteak euskal nazionalismoa suntsitu nahiko du.
Aspaldiko zenbait pertsonaia ere izango dugu bueltan. Katxik, esaterako, galztak jaitsiko ditu gure politikari garrantzitsuenen aurrean; Nekane Amaia ijito abertzalea ere ez da faltako; eta ileapaintzaile abertzaleak euskal Gabonek nolakoak izan behar duten irakatsiko digu, zaborrak biltzeko zutabearekin Eguberrietako zuhaitza ordezkatuta.
