Andoni Andueza abade ikasketekin hasi zen, baina utzi egin zituen; egun, ehorztetxe batean egiten du lan, eta oso gogobetegarria dela dio. Urtea bukatu aurretik, bere senarraren familia ekarri nahi du Venezuelatik Euskal Herrira. Izan ere, jendea laguntzea eta zoriontsu egitea gustatzen zaio.

Halaber, tekno musika biziki gustatzen zaio, eta saltseroa da; gogoko du abestea eta baita parranda egitea ere. Sukaldaritzan eta dantzan ordea, ez da horren trebea. Eta gorroto ditu garaiz ez iristea, kolore beltza, sugeak, gaixotasunak eta desordena.