Kataluniako kontsulta prozesuan murgilduko da astearteko 'Azpimarra+'

Astearte honetan, Maddalen Iriartek Mario Zubiaga EHUko Politika eta Administrazio Zientzia Saileko irakaslea elkarrizketatuko du 'Azpimarra+' albistegi berezian. Kataluniarentzako erabakigarria den aste honetan eta sortzen ari den agertoki berriaren aurrean, gonbidatuak zein irtenbide eta norabide ikusten dituen galdetuko diote. Horrez gain, prozesu honek Euskal Herrian dagoen errealitatearekin izan ditzakeen parekotasunak aztertuko ditu.

Horrez gain, Ainhoa Larrañaga, Asier Blas eta Jexux Mari Mujika kolaboratzaileak solasaldi mahaiaren inguruan bilduko dira, eta egun-eguneko gaiak aztertuko dituzte. Adrian Zelaia eta Joseba Barandiaran adituek, berriz, egoera ekonomikoaren gaineko analisia egingo dute.