Azpimarra
23:15ean
Kataluniari buruzko 'Azpimarra+' berezia, gaur gauean
A.H.
EITB
Galdeketaren partaidetza, emaitzak eta erreakzio politikoak aztertuko dituzte, Kataluniak emango dituen hurrengo pausoei begira.
Igandean Katalunian egindako herri-galdeketa izango dute hizpide gaur 'Azpimarra+' albistegi berezian. Kataluniako gizartearen partaidetza handia, galdeketak izandako emaitzak eta jasotako erreakzio politiko ezberdinak aztertuko dituzte. Bide batez, A9aren ondoren, etorkizunera begira Kataluniak eman beharreko ondorengo pausoez arituko dira 23:15etik aurrera, ETB1en.
Maddalen Iriartek Asier Blas, Eider Alkorta eta Igor Calzada kolaboratzaileak bilduko ditu solasaldirako mahaiaren inguruan, eta, horrez gain, Joseba Barandiaran adituak ere bere analisia egingo du.
