Azpimarra +
23:15, ETB1en eta eitb.eus-en
Hauteskunde debatea, gaur gauean 'Azpimarra+' saioan
EITB
Maddalen Iriartek gidatuko du hauteskunde eztabaida ETB1en, EAJ/PNV, EH Bildu, PSE-EE, PP eta Podemos-Ahal Dugu alderdietako ordezkariekin.
Gaur gauean, 'Azpimarra+' saioak ETBko lehen hauteskunde eztabaida eskainiko du. Maddalen Iriartek gidatuko duen solasaldian´, politikari hauek izango dira: EAJko Joseba Agirretxea, EH Bilduko Marian Beitialarrangoitia, PSE-EEko Eneko Andueza, PPko Laura Garrido eta Podemos-Ahal Duguko Nagua Alba.
Bost ataletan banatuko dute eztabaida, honako gaiak jorratuz: ekonomia (egoera, susperraldia, langabezia eta proposamenak); autogobernua eta estatu-eredua; gizarte-politikak; bakegintza (elkarbizitza eta memoria) eta gobernagarritasuna (balizko hitzarmenak).
Hauteskunde debatea ETB1en eta eitb.eus-en izango da ikusgai, zuzenean, 23:15etik aurrera.
