Baserria
22:00etan
"Baserria" saioko bigarren atala, gaur gauean, ETB1en eta eitb.eus-en
EITB MEDIA
Lehen atalak harrera bikaina izan ostean, igande honetan lehiakideen arteko lehen ezin-ikusiak sortuko dituen taldekako proba bat izango da ikusgai.
Gaur, urtarrilak 17, Klaudio Landak gidatzen duen "Baserria" lehiaketaren bigarren atala izango da ikusgai, 22:00etik aurrera, ETB1en eta eitb.eus-en.
Estreinaldiko atalean bertan izan zen kanporatua lehen bikotea (Amaia eta Maitane). Hori dela eta, realityaren lehen egunetan gehien nabarmendu diren Xegone eta Natalia taldera itzuliko dira, baina ikusteko dago oraindik zer harrera jasoko duten.
Aste honetako saioan bi taldeak auzolan ikusgarri batean neurtuko dira, eta beraien arteko lehen ezin-ikusiak sortuko dituen taldekako proban. Ez da giro izango Negutegian, eta, beste behin, Natalia eta Xegone izango dira protagonista nagusiak.
Lehen atalak harrera bikaina
Emaitza ederrak lortu zituen "Baserria" saioaren estreinaldiko atalak % 5,7ko audientzia-zatiarekin. Euskaldunen artean, gainera, nagusi izan zen % 13,3ko kuotarekin. Halaber, saioak 156.000 ikus-entzuleko audientzia metatua lortu zuen Euskadin eta eragin eremuan.
eitb.eus atarian ere 5.500 erabiltzailetik gora konektatu ziren, oro har.
Klaudio Landak gidatutako "Baserria" saioa igandetan izaten da ikusgai, 22:00etan, ETB1en eta eitb.eus-en.
