Irati Jimenez idazlea, gaur arratsaldean, "Biba Zuek!" saioan

Irati Jimenez idazleak bere azken liburua aurkeztuko du, gaur arratsaldean, "Biba Zuek!" saioan: Begiak zabalduko zaizkizue. Idazle mundakarrak "literaturari buruzko elkarrizketa bat" idatzi du, eta eztabaida piztu eta zeresana eman nahi duen liburua da.

Lehen orduan, podcastei buruz hitz egingo dute. Horretarako, Ainhoa Vitoria, Ane Urkiri eta Maddi Garmendia izango dituzte solasean. Ainhoak "Yoko Ona" podcasta egiten du, eta Ane eta Maddik "Kirolari gaittun".

Horrez gainera, Leire Martinez, Antton Telleria, Vidal Salcedo eta Aritz Ganboa kolaboratzaileak izango dituzte platoan.

"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.