Bisitaria
22:25ean
Kalakan, 'Bisitaria'n, gaur gauean
A.E.
EiTB
Madonnarekin 2012an ibilitako Iparraldeko taldearekin izango da Xabier Euzkitze.
Bideoak (1)
Informazio gehiago (1)
Madonnarekin 2012. urtean mundu osoko eskenatokirik garrantzitsuenetan izan ondoren, etxera bueltatu da Kalakan hirukotea. Etorri berri hartu dute 'Bisitaria'. Hiru dira, beraz, haietariko bakar baten sorterrira joan behar zen Euzkitze. Hitzordua Senperen izan da.
Urtebetean bi milioi ikusle izan dituzte, baina inoiz ahaztu gabe non sortu ziren, euskara eta gure musika tresnak mundu osora zabaldu baitute.
Thierry, Xan eta Jamixel, musikari peto-petoak, bisitaria ere zale, beraz ezer gutxi falta izan da kantuan hasteko.
Euzkitzek haiekin konpartitu ditu bi egun, Labeque ahizpen bitartez Madonna ezagutu zuteneko gauaren gorabeherak, nolakoa den bera, baina baita ere urte bete munduan zehar ibili ostean eguneroko bizitzara ohitze-prozesu hau, proiektu berriak, datozen kontzertuak, bisita izugarri polita izan da.
'Bisitaria' saioa gaur 22:25ean eskainiko da ETB-1en.
