Bisitaria
22:15ean
Maider Undarekin, gaur gaueko 'Bisitaria'
A.H.
EITB
Xabier Euzkitzek entrenamendu eta baserriko lanetan lagunduko du kirolari olinpikoa.
Bideoak (1)
Informazio gehiago (1)
Maider Unda munduan borroka librean ari den emakumerik onenetakoa da, eta Londresko Olinpiar Jokoetan brontzezko domina irabazi zuen. Gaur gauean, emakume paregabe honekin batera izango da 'Bisitaria', eta bere eguneroko bizitza nolakoa den ezagutu nahi izango du.
Maiderrentzat borroka bere pasioa da, baina guztiz zoriontsu izateko, Oletako Atxeta baserrian daraman bizitzarekin uztartu beharra du, bestela galduta sentitzen da. 'Bisitaria'k entrenamenduetara lagunduko du baita baserrian egiten dituen lanetan ere. Maider gaztagilea da eta 'Bisitaria' ere hor ibiliko da ardi eta gazta artean, Maria Luisa amaren laguntzarekin.
'Bisitaria' asteazken honetan emitituko da 22:15etik aurrera ETB-1en.
