Thomas Hearns, bost pisutan munduko txapelduna, gaur gauean, "Boxeo Izarrak" saioan

Gaurko "Boxeo Izarrak" saioak Thomas Hitman Hearns, boxeoaren historian izan den izarrik handienetako bat, izango du protagonista. Boxeolari hau bost pisutan izan zen munduko txapeldun eta beste txapeldun bikain batzuen aurka egindako norgehiagokak ikusi ahalko dira.

Besteak beste, Pipino Cuevasen aurka jokatu zuen lehenengo munduko txapelketa. Ondoren, Sugar Ray Leonarden aurka egindakoa. Hirugarren neurketa Wilfredo Benitezen kontrakoa izango da. Puerto Ricoko boxeolari hau munduko txapeldunik gazteena da, 17 urterekin lortu baitzuen gerriko hori. Roberto Mano de piedra Duran eta Marvin Hagleren aurka egindako borrokaldiak ere eskainiko ditu saioak.  

"Boxeo Izarrak" gaur izango da ikusgai, 23:30ean, ETB1en.