Egunak egin du
Deialdia
Zatoz eta izan zaitez 'Egunak Egin Du' saioko sofakide!
EiTB
Gertakizunak kontatzeko txispa baldin badaukazu, leku bat egingo dizugu 'Egunak Egin Du' saioan. Grabatu bideo bat eta bidal iezaguzu!
'Egunak Egin Du' saioa sofakide berrien bila dabil. Euskaraz edozein gertakizun txisparekin kontatzeko gai diren pertsonak behar ditu, gainerako sofakideekin eta Klaudio Landarekin batera, filtrorik gabe, edozer gauzari buruz hitz egiteko.
Klaudio Landa gidari duen saioak egunean zehar gertatu diren gauza bitxiak aitzakia gisa hartzen ditu edozer gauzari buruz modu informalean hitz egiteko. Mikel Elizegi, Ana Goitia, Gari Arroyo, Nerea Arriola, Agin Laburu, Onintza Enbeita, Aitzol Atutxa eta beste hainbat lagun elkartzen dira ETB1eko programa honetako sofan, lagunarteko solasaldi bat izan, jolastu, ongi pasa eta barre ugari egiteko.
Euren ondoan sofan eseri eta ongi pasa nahi duen pertsona orori zabaldutako deialdia da honakoa. Baldintza bakarra, haiek bezala hitz egiteko eta gauzak kontatzeko txispa izatea da. Halakoa bazara edo horrelakoa den norbait ezagutzen baduzu, grabatu bideo bat eta bidal ezazu egunakegindu@eitb.eus helbide elektronikora.
Zu izan zaitezke ETBko izar berria!
**Oharra: Jasotako datu pertsonalak kudeatzeko arduraduna PAUSOKA ENTERTAINMENT SL ekoiztetxea da (IFK: 20784948-B. Egoitza: Duque de Mandas pasealekua 32, 20012 Donostia. Telefonoa: 943 29 31 40). Datuak babesteko araudiak zehaztu bezala, datuak atzitzeko, zuzentzeko, ezerezteko eta aurka egiteko eskubidea erabiltzeko, enpresa horretara jo beharko da. Horretarako, eskariarekin batera, NAN agiriaren kopia bat bidali behar da helbide honetara: administracion@pausoka.eus
