Josu Erkorekari elkarrizketa, gaur, 'Egun On Euskadi'n

Gaur goizean 'Egun On Euskadi' saioko elkarrizketen tartean, Josu Erkoreka Eusko Jaurlaritzako bozeramaile eta Gobernantza Publiko eta Autogobernu sailburua hartuko dute gonbidatu platoan. Aktualitate politikoa aztertuko du berarekin Estepan Aldamiz-Etxebarriak.

Elkarrizketan esandakoak eta egunak dakartzan albiste nagusiak aztertuko dituzte solasaldirako mahaian Ainhoa Fernandez de Arroyabe, Garbiñe Ubeda, Iñaki Galdos eta Mikel Aramendi solaskideek.

Ohi denez, Amane Ibañezek egingo du albisteen kontakizuna. 09:00etan hasiko da 'Egun on Euskadi' saioa, eta ETB1en eta eitb.eus-en izango da ikusgai.