'Talent Txoua' artista onenaren bila ari da, ETB1en

Xabin Fernandez 'Euskal Herria Zuzenean' saioko erreportaria artista berrien bila aritu da kurtso honetan Euskal Herrian barrena, eta aste honetan, ostegunera bitartean, onenak erakutsiko ditu 'Talent Txoua' tartean. Irabazle bakarra egongo da, eta ikus-entzuleek erabakiko dute zein den.

Magoak, abeslariak, dantzariak... denetarik ikusiko dugu atal ezberdinetan, astelehenetik asteazkenera. Ostegunean, berriz, finala izango da. Finalistak aukeratuta daude dagoeneko, eta bozkatzeko aukera dago webgunean: www.eitb.eus/ehzuzenean.

Lehenengo hiru programetan, artista guztien errepasoa egingo du 'Talent Txou' saioak, eta ostegunean jakingo dugu zein den Euskal Herriko talentu handieneko artista, astean zehar jasotako botoak zenbatuta.

'Talent Txoua' 21:30ean izango da ikusgai, ETB1en.