Eitb Kultura
EiTB Kultura
Beldurrezko zineaz, 'EiTB Kultura' saioan
A.E.
EiTB
Aste honetako saioan, film hauek duten arrakasta errepasatzeaz gainera, azken joerez eta Donostiako Fantasiazko eta Beldurrezko Zinemaren Astearen eskaintzaz arituko dira.
Fantasiazko eta Beldurrezko Zinemaren Astearen atarian, 'EiTB Kultura' saioak zine mota honen arrakasta errepasatuko du. Azken joerak ere izango dituzte hizpide, eta Fantasiazko eta Beldurrezko Zinemaren XXIV. Astearen eskaintza aletuko dute.
Badirudi krisi garaia ona dela beldurrezko zinearentzat, eta Donostiako jaialdiak agerian jarri du hori. Dena den, geroz eta zailagoa da publikoa beldurtzea. Gaur egun, zonbiak dira ondoen lortzen dutenak, baina batzuetan errealitatea oinarririk onena da beldurrezko filma egiteko.
Horretaz guztiaz mintzatuko dira Josemi Beltran zinemaldiaren zuzendariarekin eta lau jarraitzaile leialekin.
'EiTB Kultura-Transit'ek zine estreinaldiak eta beste nobedade batzuk ere izango ditu hizpide; Bide Ertzean, Su ta Gar eta Arcade Fire taldeen disko berriak, esate baterako.
Hitzordua, gaur gauean ETB1en eta bihar gauean ETB2n.
